1. Shafin farko
  2. hidima
  3. Labarun Afrika

Sudan:Anbaliyar Ruwa Ta Lashe Rayukan Mutane 10 A Arewacin Kasar

2 Agusta 2014 - 07:45
Lambar labari: 628261

Anbaliyar ruwa tayi sanadiyar mutuwar mutane 10 a kasar Sudan. Hukuma mai kula da ambaliyar ruwa ta kasar Sudan ta bayyana cewa ambaliyar ruwan ta janyo asara mai dunbun yawa a sassa daban daban na kasar wanda ya tilastawa dariruwan Mutane barin gidajensu a arewa da gabacin kasar

Daga cikin yankunan da ambaliyar ruwan ta shafa har da Khartum babban brinin kasar.

Kwamiti mai kula da ambaliyar ruwa a Jahar Nahru Nil dake arewacin kasar ya ce ambaliyar ruwan ta rusa gidaje fiye da dubu guda tare da cinye filin noma fiye da Hekta dubu 12 a jahar

Har ila yau ambaliyar ruwan ta tafi da abinci mai dunbun yawa, bayan da ya rusa Makarantu, dakunan shan magani, massalatai, guraren ibada da saurensu. 

Ya zuwa yanzu dai ba a tantance ba dukkanin asarar da ambaliyar ta janyo saidai shaidun gani da ido sun ce ambaliyar ruwan ta lashe rayukan Mutane akalla guda 10. ABNA